【男人新浪漫】Graze Standard Type

渣古，絕對是男人的浪漫，但可惜暫時鐵血姑爺都幾肯定唔會有渣古的了，不過睇完第3集的都應該深深感受到阿叔的Graze其實真的好型（藍色果部我忽略……）
所以沿襲之前的理念，今次稍微改佐小小綠色，再手多多做沙漠/荒地的舊化（亂來）……
可惜影相的時候手頭上無一塊紅色的布啊……

Toy Notch Lost planet VAGBUNDO

老實講，Lost Planet真的無玩過，但之前SDCC見過呢個牌子的相就一直幾中意。
最近總算有機會入手所以拿拿聲同大家分享下
優點：造型我BUY的，上色都幾靚，尤其以呢個SIZE來講。可動都十分足夠，難聽D講，好過唔少6寸的……
缺點：細隻佐D……同埋手的設計有小小問題










個人覺得，如果大家市面見到，的確可以考慮買來玩下，比起大廠的設計過癮好多

【香車美人】賽車初音2013+電單車

初音就買佐……起碼4~5個月了，如果之前大家有見到我地四驅車比賽的海報就會見到初音已經成爲主角，但始終一直未買到部摩托車是一個遺憾……後來要8月先買得到....之後又因爲有D事，搞到最近先搞好曬D水貼……
講真，我就無乜所謂啦，但如果D唔玩開模型的人要搞呢批水貼……你都米話幾大鑊。不過GSC都算有人性，2套水貼，起碼你有一次犯錯的機會………………
我唔知比例究竟有幾好啦，因爲我好少玩呢類型的模型。但橡膠胎同其他的細節位，我十分喜歡！不過如果同初音的鏈接度高小小就好了。。。。

【人造超人？】SHF Ultraman

其實……我真的唔知呢隻超人究竟應該點叫。。。。莫非衹能叫超人個人個仔……？
ANYWAY，我唔系傳統超人系列的FANS，同時都無乜買過SHF系列，但之前見到公佈都堅抽覺得吸引，立即追漫畫同落訂！ 

不過講真，我并非SHF系列的FANS，所以唔知SHF的平均水準究竟點，而超人系列都唔系我杯茶，所以無得比較了。
但必須要講，手臂的部分居然唔可以轉動……有小小意外，但可動性都OK。而下肢的可動性都算合理。不過腰的部分可動範圍稍微少左D，如果再多D就好了。另外個頭……其實對眼唔知系米因爲設定問題，所以唔多顯眼……一開始我以爲無眼的……另外可動範圍就真的唔夠了……再加上手掌的部分……居然衹能夠轉動……有小小無奈……

但總體來講，滿意的……但必須講，成隻我都自己滲曬綫……如果唔系，始終差小小咯。。
























順便附帶多一段視頻啦



https://youtu.be/so5bMr7lnng